மறதி

காதலிக்கும் போதும் சரி
காதலை விட்டாலும் சரி
மறதி தான் புத்தியின்
மிகப்பெரிய தொல்லை
அது சில வேளைகளில்
மறக்க வேண்டியதை
மறக்க வேண்டிய நேரத்தில்
மறக்க மறுக்கிறது
மற்றொரு சமயம்
கண்டிப்பாய் நினைவில்
வைத்துக்கொள்ள வேண்டியதை
மறந்துவிடுகிறது

காதலிக்கும் போது
தன் பிறந்தநாளையே மறந்தாலும்
காதலியின் அலைப்பேசி எண்ணை
மறப்பதில்லை, ஆனால்
அவள் பிறந்தநாள் அன்று
அவளை வாழ்த்தவும்
கோயில் அர்ச்சனையின் போது
அவள் ராசியையும், அவளை
சந்திக்க அவள் சொன்ன நேரத்தையும்
மறந்து தொலைக்கின்றது
இது பெரிய பூகம்பத்தையும்
ஏற்படுத்தி சிலவேளைகளில்
காதலையும் பிரிக்கின்றது

ஒரு வேளை காதலியை
பிரிய நேர்ந்தாலும் இல்லை
காதலை இழக்க நேர்ந்தாலும்
அவளது பழைய நினைவுகளை
எல்லாம் எப்படி முயன்றும்
மறக்க மறுக்கிறது

நான் கற்றுக்கொண்டது
மறதி என்ற அரக்கனிடம்
காதலை பொறுத்தவரை
ஜாக்கிரதையாய் தான்
இருக்கவேண்டும்