நீ அழகாய் இருக்கிறாய்
பயமாய் இருக்கிறது என்று
நான் ஒரு போதும் நான்
பயந்து போவதில்லை
ஆனால் கண்டிப்பாய்
வியந்து போகிறேன்
வான் தேவதைகளுக்கு
நிகராய் இல்லையில்லை
அதை விடவும்
அதுவும் நம் பூமியில்
ஓர் அழகியா என்று..
என்னைப்போலவே
உன்னைக்காணும்
எவரும் வியப்பில்
வீழ்வதால் என்
வியப்பிலும் கூட
உண்மை இருக்கத்தான்
செய்கிறது
உன் ஒருவளை படைக்கவே
தன்னிடம் உள்ள
மொத்த கற்பனைகளையும்
உபயோகித்து விட்டதாகவும்,
உலகில் யாருக்குமே தராத
அழகையும் அறிவையும்
உனக்கு மட்டுமே தந்து
விட்டதாகவும்
உலக மகளிர் யாவரும்
பிரம்மன்மேலேயே வழக்கு
தொடர்ந்துவிட்டனராம்
புது பிரச்சனையாய்
தேவகண்ணிகயரையும்
"இது ஓர வஞ்சனையென"
போராட்டத்தில்
இறங்கியுள்ளனராம்
யாரோ எப்படியோ
போகட்டும்.எனக்கென்ன ???
எனக்காகவே படைக்கப்பட்டு
நீ எனக்கே எனக்காய்
இவ்வுலகில் இருக்கும் வரை
எனக்கு என்ன கவலை??
யார் சொன்னது தேவதைகள்
வெள்ளை நிற உடைகள்
தான் அணியுமென்று??
என்னவளுக்கு பிடித்தே
கருப்பு நிற உடைகள் தான்
என் தேவதையின் உள்ளம்
வெள்ளை என்பதால்
கருப்பு உடையிலும்
அவள் அழகு தான்
